Mesazhi i dërguar gabimisht një personi është një nga situatat më të “frikshme” që mund të keni përjetuar.
Ngatërrimi i bisedave nuk është më diçka e rrallë pasi komunikimi në rrjetet sociale është si një rrjet merimange në të cilën mund të ngatërrohesh shumë thjesht! Por më në fund aplikacioni i “Whatsapp”-it ka vendosur t’i japë zgjidhje.
“Delete message from everyone” (“Fshij mesazhet nga të gjithë”) është opsioni më i ri dhe fshin mesazhin e dërguar për të dyja palët. Pasi të jetë fshirë, ai do të shfaqet në version “this message ëas deleted” (“ky mesazh u fshi”) në bisedën e marrësit.
Në mënyrë të ngjashme, nëse e shihni këtë mesazh nënkupton që personi me të cilin keni biseduar e ka fshirë mesazhin e fundit të dërguar.
Si mund ta fshini mesazhin?
Klikoni me mesazhin që dëshironi të fshini, shkoni në butonin “delete” dhe zgjidhni “Delete message from everyone” (“Fshij mesazhet nga të gjithë”).
Ky opsion i shumëdëshiruar mund të përdoret vetëm nga personat që kanë të shkarkuar versionin e fundit të “Whatsapp” për Android, iPhone ose Windows Phone.
