Të gjitha mediat e huaja sot po shkruajnë për Dua Lipën! Veç dy çmimeve që mori këngëtarja shqiptare, ajo që po përflitet më shumë është edhe veshja e saj, fustani rozë nga “Giambattista Valli”.
Ndërsa në disa nga media u cilësua si e veshura më e mirë, prestigjiozet e huaja e kanë radhitur Dua Lipën në krye të listës së të famshmeve të veshura më keq në “BRIT Awards 2018”.
Daily Mail
Prestigjiozja britanike “Daily Mail” shkroi se, Dua Lipa tërhoqi vëmendjen për arsyen e gabuar, pasi supozohej që të ishte një natë në nder të botës së muzikës. Ajo shkruan se, Lipa ishte në listën e të ftuarve, që tërhoqën vëmendjen jashtë anës së tyre artistike. Gjithashtu media shkroi se, fustani i Duas, mbulonte fizikun e saj të lakuar.
Express
Media britanike “Express” e ekzagjeron duke shkruar për këngëtaren shqiptare kështu:
“Këmbët e saja ishin të padukshme poshtë fustanit të madh, që dukej si një mbajtëse e letrave të tualetit”.
Mirror
Portali online britanik u kap me detajin e bishtit.
“Pjesa e shkurtër e kompletuar me fjongon e zezë mund të ishte e pranueshme, por bishti voluminoz nuk e mbështeti aspak stilin e yllit. Kemi frikë, se nuk merr çmim për veshjen”, shkroi “Mirror”.
Independent
Stilistja Caitlin McBride komentoi për “Independent”, artistët e veshur më keq në tapetin e kuq të “BRIT Awards 2018” dhe në krye të listës vendos Dua Lipën.
Ndërsa shkruan se këngëtarja me origjinë shqiptare është një mbretëreshë e veshjes “couture”, stilistja thotë se, pas këtij fustani “do të përkeqësohet”, pasi çdo veshje do të duket “e pavlerë”.
News.com.au
Media australiane sjell në vëmendje disa nga komentet e fansave në “Twitter”, të cilët e krahasojnë fustanin e Duas me skenën më të famshme të filmit “Bridesmaids”, në 2011.
Por Dua Lipa ka një përgjigje tashmë për të gjithë “gojët e liga”: Nuk më plas fare! (IDGAF – titullohet kënga e saj e fundit)
