Kufoma e një mashkulli të zhdukur është gjetur e murosur në një vilë të vjetër në Senago, provincë e Milanos në Itali.
“La Repubblica” shkruan se trupi mund t’i përkasë një shqiptari të zhdukur pesë vite më parë në Xhenova.
Kufoma u zbulua nga pronari i vilës, i cili teksa po kryente punime, vuri re diçka të dyshimtë. Pasi thërriti autoritetet, u zbulua se ishte kufoma e një mashkulli mes moshës 35 dhe 45-vjeçare.
Karabinierët po punojnë për zbardhjen e ngjarjes, në një kompleks historik vilash i cili tashmë është shndërruar në një lagje luksoze.
Ekspertët mjeko-ligjorë kanë gjetur edhe pjesë të një xhupi dhe copëza veshjesh të tjera, të cilat mund të ndihmojnë në identifikimin e viktimës.
