Sherri virtual mes Noizy-t dhe Olti Currit bëri bujë pak muaj më parë në Instagram.
Gjithçka nisi pas një postimi të Oltit, i cili duke publikuar një foto të Noizy-t me Erion Veliajn, shkruante:
“Me këtë kartën e studentit e kap me ulje bluzën Nike të Noizy-t apo jo?”, shkruante Olti duke ironizuar kartën e studentit që doli vetëm pak javë më parë në dispozicion.
Noizy iu kthye duke e ofenduar rëndë blogerin dhe duke e quajtur gay në postimin e tij:
“Olti Curri ? rob i dështum nga jeta ? s’po të them gay, se gay është Elton John, pastaj është zgjedhja jote jo e imja, gjithsesi për studentët është me ulje firma @illyrianbloodline që për 1 vit ka bërë më shumë seç do bësh ti gjithë jetën me fotot që poston nëpër Instagram me marr 50€ ? peace and love bro ? të fala gjitha portaleve tani. Ps: nuk isha aty me reklamu firmën time, isha për të firmosur një kontratë, por ti s’di çfarë janë kontratat, se je blogger”!
Po sot si i kanë punët Olti me Noizy-n?!
Sa për sqarim, ata nuk kanë qenë ndonjëherë miq me njëri-tjetrin. Këtë e ka treguar vetë Olti në një intervistë për emisionin “3shta”, ku foli për raportin e tij me reperin.
Ai tregoi herën e fundit kur ka qenë në një tavolinë me Noizy-b, para sherrit:
“Kam kohë pa folur me Noizy-n. Kur ka qenë Noizy i pranishëm në jetë nate, në lokale nate jemi takuar madje kemi qëndruar në një tavolinë me atë zhurmën që bëhet në local, kemi qenë një grup miqsh artistë dhe prezantues, dhe nuk është se kemi folur shumë sepse ne flisnim me njëri-tjetrin ai këndonte. Gjithsecili ishte në punë të vet.
Ndërsa sot, pas debatit virtual gjërat mbeten pezull dhe nuk ka pasur fare komunikim mes tyre:
“Në distancë kemi folur për këto që dihen publikisht, kemi folur për qëndrimin tim. Ka qenë komenti i imi, pastaj i Noizy-t pastaj një koment i shkurtër i imi dhe Noizy filloi po komentonte në ca foto të miat nga inati i momentit, vetëm kaq. Nuk kemi qenë miq që të flisnim”, sqaroi Olti.
