Alketa Vejsiu e ka mbrojtur me fanatizëm jetën e saj private ndër vite. Moderatorja nuk ka publikuar asnjë foto me bashkëshortin e saj dhe për familjen ka folur vetëm përmes ndonjë urimi në rrjetet sociale.
Dhe sot si rrallëherë ajo i ka thyer rregullat duke bërë një dedikim mjaft të dashur. Bukuroshja e TV Klan ka publikuar një foto ku shihet teksa i mban dorën një mashkulli dhe i thotë: Të dua!
Ky është dedikimi i parë që Alketa ka publikuar për bashkëshortin dhe mund të themi se ia ka vlejtur pritja.
Çifti rrallëherë shfaqet në publik, për të mos thënë kurrë. Alketa e ka mbajtur për vete jetën e saj private dhe ka insistuar vazhdmisht për të ruajtur privatësinë, madje edhe në ditën e martesës.
Nga ditët kur shkonte fshehurazi për të zgjedhur fustanin e bardhë e deri në natën kur do të vinte kurorën, gjithçka është bërë nën masa të larta të sigurisë, që përfshinin edhe punësimin e tetë badigardëve të firmës që siguronte mbretin Leka Zogu.
E vetmja foto online e Alketa Vejsiut dhe bashkëshortit të saj është ajo e gati 10 viteve më parë në ditëlindjen e 37-të të Blendi Klosit.
