Rritja e çmimeve vijon të jetë një fenomen mjaft shqetësues për qytetarët shqiptarë. Për këtë ka reaguar gazetari i njohur Artan Hoxha.
Ai ka publikuar një foto të kryeministrit Rama i cili shfaqet me këpucë të grisura dhe me baltë.
Mirëpo, gazetari ka ironizuar Ramën, duke publikuar edhe disa rreshta thumbuese.
Hoxha plot thumba dhe ironi pyet kryeministrin: “Si ke qenë me sandalet këtë behar o boss”?!
Jo vetëm kaq por gazetari ka kërkuar që Rama mos të nisë e të ankohet kur të fillojë i ftohti i dimrit: “Se andej nga dimri, fillon e ankohesh, se të janë grisur këpucët duke zgjidhur hallet tona”.
Së fundmi, ai thekson se këtë vit do të jemi më keq prandaj i kërkon Ramës që të marrë masa për bordet e transparencës.
Postimi i plotë Artan Hoxhës:
“Si ke qenë me sandallet këtë behar o boss?!
Se andej nga dimri, fillon e ankohesh, se të janë grisur këpucët duke zgjidhur hallet tona!!!!
Për zotin, këtë vit jemi keq. Ato bordet e tua të transparencës, na kanë lënë transparent komplet.
Prandaj merr masa që tani, bëji derman vetes, se nuk të ndihmojmë dot.
Kokërr leku nuk na ke lënë nëpër xhepa…”, shkruan gazetari në Facebook.
