Opinionisti Olti Curri ka publikuar një video ku shfaqet Ermal Mamaqi, këngëtari Erlind Zeraliu dhe këngëtarja e njohur Liljana Kondakçi në një interpretim të 17 viteve më parë.
Një ndër figurat më të spikatura televizive siç është sot, Ermali, në atë kohë ishte ende i panjohur.
Në vitin 2002, Ermal Mamaqi iu bashkua grupit “The Dreams” i cili më parë përbëhej nga Eriost Ballushi, Erson Shabani (Soni) dhe Florian Mumajesi. Vendin e këtij të fundit e zuri Mamaqi dhe shumë shpejt grupi hodhi në treg albumin e tretë.
“Mos harro të vish”, ishte një nga këngët e para me të cilat ai u prezantua në publik solo dhe me të cilën fitoi shumë shpejt famë. Ai gjithashtu u bë pjesë e spektaklit të humorit “Portokalli” ku hodhi hapat e parë në botën e televizionit.
