Kylie Jenner dhe Travis Scott raportohet të jenë afruar më shumë me njëri tjetrin që pas lindjes së djalit.
Çifti, të cilët prej vitesh kanë një lidhje të pandërprerë, thuhet se e kanë parë romancën e tyre të forcohet, kështu shkruan Entertainment Tonight.
Mësohet se ardhja e fëmijës së tyre të dytë e ka afruar shumë më tepër çiftin. Reperi i hitit “Highest In The Room” e ka ndihmuar shumë Kylie-n që të rrisë vajzën e tyre katërvjeçare Stormi.
Duke pasur parasysh orarin e saj të ngjeshur, nuk ka dyshim se Kylie ka pasur shumë gjëra për të bërë muajt e fundit, por të paturit Travis pranë, ia ka bërë asaj procesin më të lehtë.
“Ata gjithmonë gjejnë kohë për njëri-tjetrin dhe sigurojnë që të bëjnë rregullisht daljet familjare”, tha burimi.
“Kur vjen koha për punë, ata i balancojnë gjërat në mënyrë perfekte dhe e kuptojnë se edhe pse kanë angazhime pune, familja është gjithmonë e para”.
Stormi është bërë tashmë një motër e madhe.
Pavarësisht se e mirëpritën fëmijën e tyre në shkurt, si Kylie ashtu edhe Travis kanë zgjedhur të mos i tregojnë ndjekësve fytyrën e bebes e as emrin.
“Emri i djalit tonë nuk është më Wolf”, shkroi më herët Kylie në Instagram Story në prill. “Thjesht nuk ndiheshim sikur ishte emri i duhur”.
