Ajo që ka bërë Dukesha e Kembrixhit pas çdo lindje na duket sikur ka qenë mrekulli. Pasi solli në jetë trashëgimtarin e tretë të fronit mbretëror, në rrjetet sociale apo në media po flitet vetëm për Kate Middleton dhe të porsalindurin.
Dukesha lindi në mënyrë natyrale foshnjën, i cili peshonte 33 kilogramë e 900 gramë. Shtatë orë pas kësaj ajo u shfaq në dyert e spitalit Lindo Wing duke buzëqeshur, sikur të ishte kthyer nga pushimet.
Pas pesë orësh në sallën e lindjes ajo solli në jetë princin e vogël rreth orës 11:00.
Të gjitha nënat kanë një pyetje: Si?
Si ia ka dalë që pas tre lindjeve Dukesha të qëndrojë majë takave dhe të përshëndesë turma njerëzish, kur një grua e thjeshtë nuk çohet dot as nga krevati pa ndihmë.
Përgjigja është e thjeshtë, ndonëse nuk është bërë zyrtare! Kate Middleton u fut në një gjendje hipnoze gjatë tre lindjeve.
Çfarë është lindja me hipnozë?
Një teknikë e adoptuar nga nënat e famshëm, përfshirë Angelina Jolie, Gisele Bundchen dhe Giovanna Fletcher, Hypnobirthing përshkruhet si “një formë e njohur, logjike dhe efektive parapërgatitore”, që mund të ndihmojë në lehtësimin e stresit dhe ankthit.
“Hypnobirthing” është bazuar në hulumtimin e Dr Grantley Dick-Reid, një obstetër anglez, i cili ka publikuar librin e tij “Lindja pa frikë”, në vitin 1933.
Ai ngre hipotezën se kur një grua është e frikësuar gjatë lindjes, gjaku dhe oksigjeni “largohen” nga mitra dhe prandaj frika dhe tensioni shkaktojnë dhimbje.
Kur një grua mbetet e qetë, muskujt e mitrës pushojnë dhe trupi prodhon oksitocinë dhe endorfin, të cilat janë hormonet natyrale të gjendjes së qetë.
Ekspertët thonë se kjo mund të ndihmojë në reduktimin e dhimbjeve. Kjo teknikë sigurisht nuk përjashton përdorimin e qetësuesve të tjerë.
Burimi: Independent
