“Ajo është e re (22 vjeçe), është e mrekullueshme dhe ka një zë vrastar që e kemi dëgjuar fillimisht në këngën e parë ‘Be the one'”.
Kështu e nis shkrimin “Cosmopolitan”, në artikullin kushtuar stilit të veshjes së këngëtares shqiptare Dua Lipa.
Duke qenë një artiste, Dua ka veshur veshje të çuditshme që shumica prej nesh nuk do të guxonin as t’i provonin. Natyrisht që veshjet e performancës i përshtaten estetikës së një ylli të muzikës pop.
Sipas “Cosmopolitan”, Dua Lipa di si të nxjerrë në pah asetet e saj më të mira, por ajo gjithashtu mund të bëhet mjaft elegante nëse e kërkon puna, si atëherë kur veshi fustanin rozë nga Giambattista Valli Couture në Brit Awards.
Më poshtë do të shihni evoluimin e stilit të Dua Lipa-s në tapetin e kuq dhe jashtë tij, që prej fillimeve të karrierës së saj më sot.
