Modelja Adrola Dushi ka gjetur pak kohë për t’iu përgjigjur pyetjeve të ndjekësve kuriozë në llogarinë e saj në Instagram.
Pyetje nga më të ndryshmet i janë drejtuar bukuroshes shqiptare, e cila s’ka ngurruar të përgjigjet me sinqeritet për ndjekësit e saj.
Dikush e ka pyetur si ka qenë takimi i saj i parë me të birin, Troin, ndërsa Adrola ka rrëfyer të vërtetën pa dorashka.
Ajo ka treguar se ka bërë një lindje natyrale që sigurisht ka qenë e dhimbshme, pavarësisht se kjo pjesë nuk përmendet shpesh nga femrat në Instagram.
Për shkak të dhimbjeve, lindja e Troit nuk ka qenë për Adrolën momenti magjik për të cilin të gjithë flasin.
Megjithatë, kur mori veten nga dhimbjet e lindjes, modelja kuptoi se Troi ishte mrekullia e jetës së saj.
“Për të qenë e sinqertë, takimi im i parë me Toin tim nuk ka qenë takimi i ëndrrave. Troin e linda natyralisht dhe siç dihet kam përjetuar shumë dhimbje fizik dhe si rrjedhojë takimi nuk shkoi shumë mirë. Por pasi e mora pak veten, kuptova që takova mrekullinë e jetës time.”- ka shkruar ajo.
