Autori i biografisë së Princeshë Dianës “In Her Own Words” është gati të shkruajë biografinë e Meghan Markle, të fejuarës së Prince Harry. Andrew Morton do të botojë shumë më shpejtë nga se pritej librin “Princesha e Hollywood”-it.
Ishte vetë shkrimtari ai që e bëri të ditur këtë lajm në llogarinë e tij në “Twitter”, duke u shprehur se libri do të jetë në duart e lexuesve një muaj para dasmës së princit me Meghan Markle, më 19 prill të 2018.
Morton premton të japë një vështrim gjithëpërfshirës të “princeshës së ardhshme” dhe jetës së saj para se të bëhet pjesë e familjes mbretërore.
Autori kujton intervistën e Prince Charles me Lady Diana Spencer në vitin 1981 dhe pohon se ajo çka Prince Harry me Meghan po përjetojnë është vite larg nga fejesa e prindërve të tij!
Morton do të prekë gjithashtu stereotipet që Markle theu me fejesën e saj dhe ato që do të thyejë në të ardhmen. Sesi ia doli një vajzë me ngjyrë, e divorcuar dhe disa vite më e madhe se princi t’ia prishë mendjen këtij të fundit do ta lexojmë në librin “Princesha e Hollywood”-it.
Burimi: Harper’s Bazaar
