Shpeshherë është komentuar se kush e prezanton më së miri Për’Puthen: Bora apo Ori si dhe është menduar se mes gocave mund të kishte dhe një lloj konkurrence. Mirëpo, është vërtetuar se kjo gjë nuk është aspak e vërtetë dhe se vajzat kanë një marrëdhënie shumë të mirë me njëra-tjetrën. Këtë gjë e kanë vërtetuar së fundmi Bora dhe Ori, të cilat janë parë shumë të qeshura me njëra-tjetrën gjatë festës së Top Channel.
Më herët, në “Më lër të flas”, Bora tha se Ori është më e mirë se ajo në prezantimin e emisionit
Jo vetëm kaq por Bora shtoi se e ka shumë xhan Orin dhe vajzat kanë miqësi me njëra-tjetrën.
“Njerëzit u mësuan me mua për dy vite, 6 ditë të javës. Dhe publiku ka nevojë për kohë që të mësohet. Ne si tipologji figurash jemi totalisht shumë të ndryshme. Dhe unë mendoj se në atë që përfaqëson Ori është jashtëzakonisht e mirë. Mbështetjen time e ka patur dhe do e ketë gjithmonë se e kam dhe shumë xhan!”- deklaroi Bora.
Nga ana tjetër, Bora zbuloi më herët edhe kohën kur përjetuan vështirësi ekonomike në familje si dhe vështirësi shëndetësore të babait të moderatores.
“Fëmijëria ime ka qenë shumë e bukur. Të gjithë jemi rritur me kushte të vështira, si të gjithë shqiptarët, por me shumë dashuri nga prindërit tanë. Të gjitha vështirësitë ekonomike apo shëndetësore, nuk janë ndjerë shumë se familja ka qenë e bashkuar dhe shumë mbështetëse. Babai ka qenë i sëmurë kur kam qenë e vogël. Si vajza e babait e kam përjetuar më shumë seç ishte problemi. Sot kanë kaluar të gjitha, ai është shumë mirë dhe është pika ime e dobët. Ka qenë mami pjesë shumë dominante e familjes. Ajo ka qenë gjithmonë aty, duke na shtyrë që të merreshim me sa më shumë aktivitete. Ne kemi pasur disa probleme, kur kam lidhur unë kemi jetuar në bllok. Por në 97’ shtëpia u mor. Pastaj ishim pa shtëpi por u sistemuam në një dhomë shumë të vogël. Sado e vështirë, unë e kujtoj si periudhë shumë të bukur. Dua t’i shoh anën pozitive të gjitha gjërave”- zbuloi ndër të tjera Bora Zemani.
