Kur isha e vogël më thoshin “mos fishkëlle se të rritet gjoksi”. E merrni me mend se kam nisur që herët të mësoj sesi fishkëllehet dhe jam bërë eksperte, por më kot, pa rezultat.
Edhe pse ka kaluar një dekadë që atëherë, ende jam në kërkim të metodave për të pasur një gjoks më të madh dhe ja ku e pashë: pasta e dhëmbëve.
Ndoshta nuk e besoni, por sot në YouTube femrat po publikojnë video të ndryshme duke fërkuar gjoksin me pastë dhëmbësh për ta bërë atë më voluminoz.
Kështu sipas një video tutoriali, nëse masazhoni gjoksin për vetëm 5 ditë duke përdorur pastë dhëmbësh do të keni rezultat.
Një tjetër vajzë përdori vazelinë dhe pastë dhëmbësh çdo natë për 30 ditë dhe këshilla e saj ishte: “Mos bëj si unë. Nuk do të të rritet gjoksi”.
A funksionon vërtet?
Duke marrë parasysh se pasta e dhëmbëve është në thelb vetëm një përzierje e alkoolit, mentes, fluorideve dhe detergjenteve – përbërësit kanë zero aftësi për të rritur indin e gjirit, dhe nuk ka asnjë arsye pse pasta e dhëmbëve mund të funksionojë.
Ajo që duhet të bëni është ta lini gjoksin tuaj rehat, pasi ashtu siç ju ka thënë mami kur ishit të vogla, nuk ka asgjë që mund të bësh për të ndryshuar trupin me të cilin ke lindur.
Përveç kirurgjisë, sigurisht. Kirurgjia mund të ndryshojë shumë gjëra.
Përshtatur nga: Cosmopolitan
