King Valentino Corleone i cili njihet në rrjetet sociale me nofkën Vali Corleone, kishte kohë që nuk përflitet për bëmat e tij.
Bëma të cilat dikur e kthyen në kryefjalën e mediave për jetën luksoze dhe deklaratat e tij. Corleone u rikthye në lojë, por këtë herë për një sulm me armë.
Corleone është plagosur me armë zjarri dhe në njoftimin e Policisë së Kosovës thuhet se autore e ngjarjes dyshohet të jetë një 22-vjeçare.
Mirëpo, së fundmi ai ka dalë nga spitali pasi u plagos nga Anita Syla, me të cilën Corleone bashkëjeton prej vitesh.
Drejtori klinik i Spitalit të Gjilanit, Ukshin Ismajli ka thënë për “Express” se Vali Corleone ka qenë i plagosur në këmbën e djathtë.
Prokurori i Prokurorisë Themelore të Gjilanit, Isuf Sadiku, ka dhënë disa detaje për “Express”. Ai ka thënë se do të bëhet kërkesa për caktimin e paraburgimit ndaj Anita Sylës 22-vjeçe, e dyshuar për plagosjen e Prince Valentino Corleone.
Mirëpo, ai nuk dha më tej detaje të tjera.
Njoftimi i plotë i Policisë së Kosovës:
Drejtoria Rajonale Gjilan, Stacioni Policor Gjilan në orët e hershme të mëngjesit nga Qendra Emergjente Rajonale Gjilan është informuar se aty ishte sjellur një person i lënduar si pasoj e gjuajtjes me armë zjarri.
Në vendin e ngjarjes kanë dalë njësitet relevante. Sipas raportit të mjekut viktima P.C. (1983) Shqiptar, shtetas i Kosovës është jashtë rrezikut për jetë.
Nga hetimet e para në vendin e ngjarjes mësohet se e dyshuar në lidhje me rastin është një femër Shqiptare shtetase e Kosovës viti i lindjes (2000), e cila dyshohet se ka shkrepur nga arma.
Për momentin nuk dihen motivet e incidentit.
Një armë Pistoletë dhe dyzet (40) copë fishekë të të njëjtës armë janë konfiskuar në vendin e ngjarjes si prova materiale për Gjykatë.
Për rastin është njoftuar Prokurori i Shtetit i cili ka urdhëruar që të ngritët Kallëzim Penal për ,,Vrasje në tentativë’’ dhe e dyshuara të ndalet në mbajtje për 48 orë , gjersa Policia e Kosovës, Njësiti i Hetimeve Rajonale Gjilan janë duke i hetuar rrethanat e incidentit.
