Nuk janë vetëm burim dashurie dhe shoqërie. Kafshët shtëpiake ndikojnë drejtpërdrejt në sistemin tonë imunitar. Studime të ndryshme shkencore kanë treguar se praninë e një qeni apo maceje në shtëpi mund të forcojë imunitetin, të ulë rrezikun për alergji dhe të përmirësojë shëndetin mendor.
Ja si ndikon konkretisht një kafshë shtëpiake në shëndetin tuaj:
1. Ekspozimi ndaj mikrobeve të dobishëm
Kafshët bartin mikrobe të ndryshme që, në kontakt me trupin tonë, ndihmojnë në “stërvitjen” e sistemit imunitar. Kjo është veçanërisht e rëndësishme tek fëmijët, të cilët zhvillojnë një imunitet më të fortë kur rriten pranë kafshëve.
2. Më pak alergji dhe astmë
Studimet kanë treguar se fëmijët që rriten me një qen ose mace në shtëpi kanë më pak gjasa të zhvillojnë alergji apo astmë në krahasim me ata që jetojnë në ambiente shumë sterile.
3. Reduktim i stresit dhe inflamacioneve
Përkëdhelja e një kafshe ul nivelin e kortizolit (hormoni i stresit) dhe rrit prodhimin e oksitocinës, duke sjellë një ndikim pozitiv jo vetëm në shëndetin emocional por edhe në uljen e inflamacioneve kronike, të lidhura me shumë sëmundje.
4. Stimulim i aktivitetit fizik
Të pasurit një qen zakonisht nënkupton më shumë ecje dhe lojë jashtë, kjo rrit qëndrueshmërinë e organizmit dhe mbështet imunitetin përmes aktivitetit fizik të rregullt.
