Fotografët e dasmave janë mësuar që të miqësohen me nusen dhe dhëndrin në ditën e tyre të madhe. Ata shohin se si çifti bashkëvepron në momentet intime dhe ndonjëherë mund të bëjnë gjykime nëse ato do të qëndrojnë bashkë përgjithmonë,
Një pyetje e shtruar në “Reddit” iu shtrohet fotografëve të dasmave: “Mund të thoni nëse një çift do të zgjasë apo jo? Dhe si?”.
Tawnybigbuns vijon pas pyetjes: “Po shikoja fotot e dasmave të miqve që janë divorcuar pas 4 muajsh pas ceremonisë dhe pyeta veten nëse fotografi dalloi ndonjë detaj”.
Pati më shumë se 1,000 komente dhe njerëzit u ndanë mes atyre që pranonin se kuptuan diçka dhe atyre që nuk dalluan asgjë.
Një fotograf martese pranoi se ishte i pasigurt nëse çifti ishte ende bashkë, pasi dhëndri po fliste në telefon ndërsa ecte drejt altarit. Dhe ai ishte me xhinse: “Ajo nuk ishte më e lumtura (fatkeqësisht nuk kapa asnjë nga reagimet e tyre)”.
Një tjetër tha se kishte dëgjuar “nga një djalë që merrej me gjërat e martesës, se mund të dallonte nëse një çift do të zgjate nga mënyra se si e ndanin tortën e dasmës.
“Ai që e drejton me forcë në fytyrën e tjetrit dhe më pas tjetri merr hak, etj, pothuajse nuk do të funksionojë asnjëherë. Ata ku ndarja është e ëmbël dhe e dashur, përgjithësisht zgjasin”, shkruan përdoruesi.
Dikush u shpreh se bënte fotografi të dasmave për katër vite, 12 deri 15 në një vit. Ai u shpreh se e dinte se kush do të divorcohej dhe kjo nuk i surprizoi. “Ata ishin fejuar vetëm brenda pak muajsh lidhjeje dhe u martuan pas 1-vjetorit. Por pashë disa foto dhe pyeta veten se si ishin dhe bëra disa kërkime në “Facebook”. Ata po divorcoheshin”.
Burimi: Daily Mail
