Meghan Markle ka kujtuar së fundmi Krishtlindjen e saj të parë me familjen mbretërore, përmes dokumentarit në Netflix “Harry & Meghan”.
Ajo është shprehur kaq shumë e entuziasmuar. Më tej, Meghan ka treguar se ka qenë ulur pranë Princit Philip.
“Në darkë, isha ulur pranë gjyshit të tij, Princit Philip. Mendova se ishte i mrekullueshëm”, theksoi Meghan.
“Më kujtohet aq qartë Krishtlindjet e para, kur thirra mamanë time dhe i thashë: “O Zot, kjo është e mrekullueshme… Është njësoj si një familje e madhe, siç kam dashur gjithmonë”. “Ajo e pëlqeu atë,” vijoi më tej Harry.
Princi Harry dhe Meghan Markle po e pëlqejnë bashkëpunimin me Netflix. Pas dokumentarit Harry & Meghan, seritë e të cilit sapo janë publikuar në Netflix, Auka dhe Dukesha e Sussex-it kanë nënshkruar një tjetër projekt në bashkëpunim me gjigantin e transmetimit. Emisioni i ri quhet Live to Lead dhe do të prezantohet më 31 dhjetor.
Megjithatë, këtë herë ata nuk do të jenë protagonistë, por, siç sugjeron edhe titulli, personazhe që janë bërë të famshëm për cilësitë e tyre drejtuese dhe për aftësinë e tyre për të pasur ndikim në jetën e të tjerëve. Ndër emrat e protagonistëve të zbuluar deri më tani, janë aktivistja suedeze Greta Thumberg, Gloria Steinem, gazetare dhe Ruth Bader Ginsburg, juristja ish-presidente e Gjykatës së Lartë të SHBA. Një projekt i cili, siç shpjegon Harry në trailer, u frymëzua nga Nelson Mandela: “Ai dikur tha: “Ajo që ka rëndësi në jetë nuk është fakti i thjeshtë që ne kemi jetuar”. Meghan ka për detyrë të përfundojë fjalinë: “Kjo është ndryshimi që kemi sjellë në jetët e të tjerëve që do të përcaktojë kuptimin e jetës që bëjmë.”
