E dashura e tij e re Nina Agdal sapo firmoi një marrëveshje me një nga agjencitë më të mëdha të modelingut.
Dhe aktori Leonardo DiCaprio përkëdhel krenar dashurinë e tij të re, ndërsa shëtisin në rrugët e Nju-Jorkut për të festuar arritjen e saj në karrierë.
Fituesi i “Oscar”-it, 41 vjeç, nuk e fsheh afeksionin e tij, duke vendosur krahun sipër 24-vjeçares Nina, ndërsa dalin për të darkuar me një mikesh.
Leo dhe modelja daneze duken të afërt, ndërsa qëndrojnë bashkë të kapur për dore, teksa Nina tymos një cigare.
Aktori mban veshur një bluzë të bardhë me mëngë të shkurtra sipër pantallonave ngjyrë kaki, një varëse, kapele blu dhe atlete gri.
Edhe Nina ka një paraqitje sportive me streçe me dizajnë, pulovër me kapuç ngjyrë ushtarake, shapka me gisht të zeza dhe një çantë kafe, duke i qëndruar besnike bukurisë natyrale pa makijazh.
Modelja e “Victoria’s Secret” zbuloi se ajo është regjistruar në agjencisë më të madhe të modelingut, “IMG Models”. Ndërkohë që 24-vjeçarja ishte e regjistruar në agjencinë “Elite Model Management”, ajo tani mund t’i quajë supermodelet Kate Moss dhe Gisele Bundchen koleget e saj të agjencisë.
*Shfleto galerinë
Burimi: Daily Mail
