Katy Perry ka një marrëdhënie tepër korrekte dhe të shëndetshme me ish të fejuarën e Orlando Bloom, Miranda Kerr. Dy vajzat kanë pozuar përkrah njëra-tjetrës së fundmi dhe duken si dy shoqe të ngushta bashkë.
Ato kanë publikuar në Instagram një video, në të cilën përqafohen bashkë dhe këtë moment e kanë ndarë me gjithë ndjekësit e tyre. Vajzat ishin të pranishme në një klasë yoga me njëra-tjetrën dhe kjo ishte hera e parë që Katy përfshihej në një event të tillë pas lindjes së vajzës, Daisy.
Menjëherë pas publikimit të videos nuk munguan edhe komentet nga ana e fansave të Katy-t, të cilët shprehen shumë të lumtur për marrëdhënien që dy vajzat e famshme kanë me njëra-tjetrën.
“E dua miqësinë tuaj”, “Të dyja dukeni shumë mirë” – ishin disa nga komentet e fansave në postimin e Perry-t.
View this post on Instagram
Gjithashtu më herët, Katy e ka cilësuar Miranda-n si pjesë të familjes së saj dhe Orlandos. Gjatë një videoje live në Instagram me Miranda-n, Katy ka treguar se modelja e ka frymëzuar çiftin që të vendosin zakone të shëndetshme për ushqyerjen.
“Miranda është shumë e vetëdijshme për shëndetin. Mendoj se në familjen tonë moderne, ajo është ndoshta më e ndërgjegjshme për shëndetin nga të gjithë ne, edhe pse Orlando është… e pëlqen shumë këtë gjë”, u shpreh Perry.
Ndërsa Miranda theksoi se Orlando është shumë i fiksuar pas fitness-it dhe këtë gjë e konfirmoi edhe Katy.
“Dhe ti e ndihmon për ta inkurajuar dhe ai më inkurajon mua. Është shumë për të qeshur, sepse kur vjen Flynn në shtëpinë tonë, gjithmonë na surprizon me njohuritë për kujdesin ndaj lëkurës apo ushqimin. Prej tij filluam të mos konsumonim më vezë në shtëpinë tonë. Kur erdhi në fillim në shtëpi Flynn na tha ‘Nuk më pëlqen fare të ha vezë. Ne nuk hamë vezë në shtëpinë tonë’. Unë ngela dhe mendova ‘nuk do hamë më vezë’”, ka treguar Katy dhe Miranda i kërkoi falje duke qeshur.
