Si do të jetë marrëdhënia mes Princit William dhe Princit Harry? Një eksperte e familjes mbretërore thotë se nuk do të ketë një falje nga ana e William
“Trashëgimtari i fronit thjesht nuk mund ta falë vëllain e tij që u largua nga jeta mbretërore”,- ishte kjo deklarata e Kate Nicholl, autore e ” The New Royals – Trashëgimia e Mbretëreshës Elizabeth dhe e ardhmja e kurorës”.
Më tej, autorja ka shtuar se William është vetëm tashmë pasi mbështetja e Harry-t mungon.
“Ai gjithmonë mendonte se Harry do të ishte krahu i tij, tani ai po ia del vetëm. Shyqyr zotit që ka Kate në krah”, vijoi Kate.
Mirëpo, marrëdhënies mes William dhe Harry duket më e normalizuar por jo edhe aq e afruar.
Princi Harry i tha një turme fansash se Kështjella Windsor ishte “një vend i vetmuar” pa gjyshen e tij të ndjerë, Mbretëreshën Elizabeth ll. Kjo ishte hera e parë që djali i Mbretit të ri, Charles, foli pas vdekjes së Mbretëreshës.
Duka i Sussex-it udhëtoi nga Balmoral për në Kështjellën Windsor, ku përshëndeti banorët vendas që ishin bashkuar për nder të monarkes më jetëgjatë të Britanisë së Madhe, e cila vdiq të enjten në moshën 96-vjeçare.
“[Është] një vend i vetmuar atje lart tani pa të. Në cilëndo dhomë që të ishte, e ndjeje praninë e saj në të gjithë”- u tha Harry pjesëmarrësve të turmës mbledhur jashtë pallatit mbretëror, shkruan Page Six.
