Moderatori i njohur Ledion Liço ka dalë në një video live për ndjekësit e tij në Instagram, ku ka pranuar që t’ju përgjigjet disa pyetjeve personale në lidhje me familjen e tij të re, partneren Sara dhe djalin London Noor.
I pyetur për planet e ardhshme për dasmë, Ledioni është shprehur: “Kemi më pak se tre vjet që jemi të lidhur zyrtarisht. Ne duam të bëjmë një dasmë shumë të madhe kështu që do të martohemi atëherë kur të jenë pjekur kushtet. Sara është xheloze dhe kursimtare”.
Ndër të tjera ai ka thënë se djali e lë gjithë natën pa gjumë dhe pyetjes se, a do të bëjë fëmijë të tjerë, i është përgjigjur: “Duke parë duke bërë”.
Dikush e pyet nëse jeton me vjehrrën dhe Ledioni i kthen një përgjigje shumë sportive: “Për Londonin kujdeset gjyshja e tij e cila jeton sipër nesh”.
Ai ka zbuluar dhe një sekret për veten. I pyetur se çfarë shamposh përdor, moderatori ka thënë se përdor disa shampo të çuditshme të Sarës.
