Këngëtarja shqiptare, Gjira Kajtazi prej vitesh është larguar nga muzika duke mos sjellë asnjë projekt të ri për fansat e saj.
Pavarësisht kësaj ajo qëndron sa më afër ndjekësve ku dhe zhvillon herë pas here biseda virtuale dhe padyshim nuk kanë si të mungojnë pyetjet në lidhje me jetën e saj personale.
Një ndër pyetjet që këngëtarja ka zgjedhur t’i përgjigjet ishte ajo si do vepronte nëse do të tradhtohej nga partneri.
“Nëse e zë bashkëshortin tënd duke iu tradhtuar?”, e ka pyetur një ndjekës artisten.
“Hmm. Nuk e di përse mos me e ndëpre më mirë lidhjen po me tradhtu? Një lidhje nuk është burg, kushdo që nuk është i lumtur, le të gjejë zgjidhjen për të sqaruar pakënaqësitë personale ose të ndahet. Asgjë nuk shkon me zor, ndarjet nuk janë fundi i botës për mua meshkujt që kanë nevojë të tradhtojnë nuk janë burra që i duhen një femrës në jetë”, u përgjigj Gjira.
Kujtojmë se në muajin janar Gjira ka mirëpritur në jetë fëmijën e saj të dytë. Ajo është bërë nënë e një vajze, ndërsa lajmin e bukur e ka dhënë vetë në rrjete sociale.
Në muajin prill të vitit 219, Gjira Kajtazi u bë nënë e një vogëlushi të cilin bashkë me partnerin e saj vendosën ta quajnë Maël.
