Fjoralba Ponari ka zhvilluar së fundmi një bisedë virtualisht me ndjekësit e saj, që e kanë pyetur për çdo gjë që kanë qenë të interesuar. Mes pyetjeve, Fjorlabës i ka bërë përshtypje njëra ku dikush i shkruante:
“Si do ja bësh me këtë ligjin e ri pa filtra?”.
Duke qenë se moderatorja është një nga personazhet më origjinalë të ekranit, ajo nuk ja ka përtuar një përgjigje ndjekësit.
“Siç kam bërë para se të bëhej trend puna e filtrave, për bukuri të Zotit!”, i është përgjigjur Fjoralba.
Para disa ditësh ishte Norvegjia ajo që vendosi një ligj për publikimin e fotove të modifikuara në rrjete sociale. Rregullorja e re vjen si një ndryshim në Ligjin e Tregut të Norvegjisë dhe është sjellë si pjesë e përpjekjeve të vendit për të trajtuar standardet joreale të bukurisë. Ligji, i cili u prezantua si pjesë e një projektligji nga Ministria e Fëmijëve dhe Çështjeve Familjare të Norvegjisë, do të sigurojë që reklamat dhe postimet në mediat sociale që modifikojnë pamjen e trupit të një personi të jenë të shënuara qartë. Në bazë të ligjit çdo influencer që përfiton para nga postimet në Instagram do të detyrohet nga ligji të tregojë cilat foto janë të modifikuara. Ndërkohë nuk dihet ende nëse ky ligj mund të përdoret edhe nga vende të tjera të botës.
Sa i përket angazhimeve profesionale të Fjoralbës, ajo ka treguar se aktualisht po merret me xhirimet e sezonit të ri të emisionit shumë të dashur për fëmijë “Më thuaj një dëshirë”. Nga ana tjetër para disa javësh ajo tregoi se do të jetë sërish pjesë e “Portokallisë” në sezonin e ardhshëm.
