Qëkurse është bërë super e famshme, ndjekësit e modeles Bella Hadid nuk rreshtin së thëni sesa shumë bukuroshja ngjan me ikonën e pasarelave në vitet ’90, Carla Bruni, veçanërisht tani që Bella është “rritur”.
Edhe vetë 22-vjeçarja herë pas here poston foto të bashkëshortes së ish-presidentit francez Sarkozy dhe pranon se të dyja ngjajnë tej mase.
Mirëpo, dy bukuroshet janë takuar mbrëmjen e djeshme në Kanë, ku po zhvillohet Festivali i Filmit dhe për hir të së vërtetës, për një moment nuk po e dallonim dot cila ishte njëra e cila tjetra.
Të dyja me flokë të kapur pas dhe baluke të ndara në mes, me të njëjtën buzëqeshje joshëse, Bruni dhe Hadid në foton e mëposhtme duken ekzaktësisht si motra binjake, ndonëse Bella është vetëm 22 vjeçe dhe Carla 51.
“Me motrën time (pakëz më të re) Bella Hadid në darkën e Vogue Paris x Dior në Kanë.”-ka shkruar Bruni në Instagram, ndërsa Bella në një Insta Story e quan atë mbretëreshën e saj.
View this post on Instagram
With my (slightly younger) sister @bellahadid ???at the @vogueparis x @Dior dinner in Cannes
