Hiti ‘Si ai’ i reperes Tayna është bërë një sensacion që prej momentit të publikimit. Projekti është bërë shumë popullor në rrjetet sociale dhe po pëlqehet e dëgjohet edhe nga të huajt.
E për pasojë, Taynës kjo këngë po i sjellë për ditë suksese të reja.
Sot, me anë të një ripostimi Tayna ka njoftuar se ‘Si ai’ është ngritur në pozitën e gjashtë në nivel global të platformës Shazam.
Kujtojmë se këtë këngë e risolli në versionin Remix Marshmello, artisti me reputacion botëror. Po ashtu, edhe ky projekt është pritur mjaft mirë nga publiku, duke grumbulluar miliona klikime në “Youtube” e platformat e tjera muzikore.
