Justin dhe Hailey Bieber janë një prej çifteve më “cool”, të cilët nuk ngurrojnë asnjëherë që të shprehin haptazi dashurinë që kanë për njëri-tjetrin.
Së fundmi ata kanë folur për atë që ju duhej bërë për ta mbajtur martesën e tyre të fortë mes të gjitha betejave.
Dyshja treguan sfidat që kanë kapërcyer në tre vitet që kur u martuan, në një episod të podcast-it të ri “In Good Faith” me Chelsea & Judah Smith.
“Ne kemi pasur gjithmonë kaq shumë biseda rreth, “Cilat ishin qëllimet tona? Ku donim të përfundonim në një moshë të caktuar. Ne gjithmonë kemi folur për dëshirën për t’u martuar të rinj, për të pasur një familje të re dhe për të pasur fëmijë të rinj”, tha Hailey.
Ndonëse ata kanë një marrëdhënie mjaft të fortë, Justin pranoi se nuk ka qenë gjithmonë e lehtë, veçanërisht pasi ai ishte duke luftuar me problemet e shëndetit mendor gjatë periudhës së dasmës së tyre.
“Kam përjetuar kaq shumë gjëra në jetën time. Kaq shumë momente historike dhe kam udhëtuar nëpër botë. Dhe sapo arrita në një vend ku isha i vetmuar, dhe thjesht nuk doja t’i bëja të gjitha vetëm. E kuptova se kishte të bënte me një shërim serioz që duhej të kaloja në mënyrë që të arrija në një vend ku mund të jem në një marrëdhënie të shëndetshme dhe serioze, sepse kisha shumë trauma dhe plagë. Kështu që thjesht u angazhova për të punuar në ato gjëra dhe duke u bërë i shëndetshëm”, tha këngëtari.
Kujtojmë se dyshja u ndanë për herë të parë në vitin 2016, rindezën romancën e tyre në vitin 2018 dhe u fejuan në korrik.
“Për fat, Hailey më pranoi ashtu siç isha. Edhe kur u martuam, kishte ende shumë dëme dhe lëndime që më duhej t’i përballoja, por ajo pa zemrën time pavarësisht të gjithave”, tha Bieber.
Nga ana tjetër, Hailey ishte përherë aty duke mos ia vënë veshin aspak ngacmimeve që i bënin bota.
“Unë isha për të. Mora një vendim. E di në fakt që e kam dashur këtë person për një kohë shumë të gjatë dhe tani nuk do të ishte koha për të hequr dorë prej tij. Unë thjesht nuk do t’ia bëja këtë. Imagjinoni të braktisni dikë në mes të periudhës më të keqe të jetës së tyre. Unë nuk jam ai tipi i një personi. Kështu që unë do të qëndroja me të pa marrë parasysh se cili do të ishte rezultati”, u shpreh modelja.
