Reperi Gold Ag ka vetëm pak muaj që është martuar dhe fillimisht dukej se këtë gëzim të madh kishte vendosur ta mbante për vete, mirëpo më pas s’i ka rezistuar dot pozave të ëmbla me bashkëshorten.
Në muajin qershor ai na prezantoi për herë të parë me bukuroshen zeshkane që i ka vjedhur zemrën, duke ndarë në Instagram disa foto shumë të bukura nga martesa.
Madje, ai nuk i kurseu as më vonë pozat me partneren e jetës, e cila do ta bëjë baba për herë të parë.
Gold Ag dhe bashkëshortja e tij Ermira Shkodra po presin fëmijën e tyre të parë, ndërsa vetëm tashmë ka vendosur të zbulojë gjininë e bebushit.
Reperi dhe partnerja do të bëhen me djalë, ndërsa Gold AG tregoi se do t’i vendosë të birit emër shqiptar.
Teksa ishte i ftuar në “Ky emër nuk ka nevojë për prezantim”, ai foli edhe për bashkëshorten, duke u shprehur se nuk dëshiron që askush të flasë për gruan e tij.
“Nuk dua askush të flet për gruan time. E kam për vete atë. Më kanë thënë a ka mundësi edhe për intervistë. Nuk ka mundësi. Ajo nuk është fytyrë publike. Unë jam këngëtar por jam edhe shqiptar. Nuk dua të bëjë gjëra të pahijshme për llajka. Për grua shqiptari edhe të gjuan. Për gra njerëzit futen në bela. Unë gruan e dua fort ama nuk e kam për ta reklamuar në televizione. Ajo është privatësia ime që dua ta ruaj. Asgjë më shumë”- ka thënë reperi.
