Legjenda e futbollit italian, Paolo Rossi, ka mbyllur sytë përgjithmonë në moshën 64-vjeçare.
Rossi, i cili udhëhoqi ekipin kombëtar drejt fitores në Kupën e Botës në vitin 1982, vuante prej kohësh nga një sëmundje.
Bashkëshortja e futbollistit ndau në llogarinë e saj në Instagram një foto të çiftit duke shkruar “Përgjithmonë”.
Megjithatë, ajo nuk e bëri të ditur shkakun e vdekjes së partnerit.
View this post on Instagram
Gjatë karrierës së tij në futboll, Rossi është cilësuar si një prej lojtarëve më të mirë, i cili fitoi Këpucën e Artë dhe Topin e Artë gjatë turneut të vitit 1982 në Spanjë.
Në vitin 2004, italiani u cilësua si një prej futbollistëve më të mirë që ishin ende gjallë.
