Nëpëmjet një psotimi të bërë në Twitter komisioneri europian për Zgjerim, Johannes Hahn ka bërë të ditur se negociatat për në BE do të shtyhen për në qershor të 2019-ës.
“Rrugëtimi drejt hapjes së bisedimeve të anëtarësimit në qershor të vitit 2019 është i qartë. Një sinjal kyç ky për rajonin se progresi i bërë shpërblehet, sikurse edhe vendimtar për besueshmërinë e vet BE-së”, shkruan Hahn.
Vendet që kanë votuar kundër zgjerimit të BE-së këtë vit kanë qenë Franca, Danimarka dhe Holanda dhe në këtë mënyrë Shqipëra duhet të presë verën e vitit të ardhshëm. Vendimi është marrë gjatë takimit të ditës së sotme të Këshillit të Marrëdhënieve të Përgjithshme.
Ndërsa përsa i takon Shqipërisë vendet anëtare BE-së kanë theksuar rëndësinë që duhet të bëj më progresin në Reformën në Drejtësi, luftën kundër korrupsionit dhe krimit të organizuar. Ky vendim është paraprirë nga një deklaratë e shefit të diplomacisë greke, Niko Kotzias, i cili tha se ka ende vende skeptike për Shqipërinë.
“Janë dy grupe vendesh, një që është më i madhi, 25 vende, mbështet të hapë negociatat në samitin e 2019 dhe 3 vende, Danimarka Holanda dhe Franca që thonë se duhet të shohin procesin, procesin evropian, stabilitetin dhe sigurinë e gjithë rajonit në Evropën Juglindore. Dhe kjo është shumë e rëndësishme për të gjithë BE. E di që disa vende frikësohen nga populizmi , po nuk mund të luftojmë populizmin me hapa pas. Disa vende kërkojnë integrim të thelluar dhe pastaj zgjerimin, dhe kanë të drejtë, po u tregova një histori që e di mirë se çfarë ndodhi në vitet ‘90. Eksperienca jonë është se mund të bëjmë në të njëjtën kohë të dy proceset dhe është më e mirë për Evropën”,- tha Kotzias para gazetarëve.
