Covid-19 është bërë sërish shkaktar për shtyrjen e një prej organizmeve më madhështore që ka lidhje me muzikën. Bëhet fjalë për “Grammy Aëards”, që këtë vit ishte menduar të mbahej në 31 janar, por është vendosur që organizimi të shtyhet për më vonë.
Mediat e huaja “Rolling Stones” dhe “Variety” kanë raportuar se në Los Angeles, vendi ku do mbahet ceremonia, ka pasur një rritje të rasteve me Covid-19. Sipas dy revistave në fjalë pritet që cermonia e ndarjes së çmimeve “Grammy të mbahet në muajin mars. Megjithatë ende nuk është asgjë e sigurt, sepse pritet të shikohet zhvillimi i mëtejshëm i situatës së pandemisë.
Los Angeles është duke përjetuar një rritje të numrit të rasteve me koronavirus dhe po ashtu edhe të vdekjeve si pasojë e COVID-19. Spitalet janë të ngarkuara, ndërsa autoritetet kanë marrë masa kufizuese. Organizatorët e Grammy disa javë më parë kishin thënë se po shikojnë mundësinë që ceremoninë ta mbajnë pa audiencë dhe tapet të kuq.
Kujtojmë se këtë vit artistja shqiptare me famë botërore, Dua Lipa, është e nominuar në 6 kategori në çmimet “Grammy”. Këtë gjë e zbuloi vetë këngëtarja disa muaj më parë përmes një videoje shumë emocionuese. Dua Lipa është nominuar gjashtë herë për kategoritë “Albumi më i mirë i vitit”dhe “Albumi më i mirë Pop Vokal” për albumin Future nostalgia, “Regjistrimi i vitit”, “Kënga e vitit”, “Performanca më e mirë solo Pop” për Dont’start noë, “Bashkëpunimi më i mirë pop” për Un Dia (One Day)” në bashkëpunim me J Balvin, Bad Bunny, and Tain.
