Shtrimi i Selena Gomez në një spital psikiatrik, e ka bërë Justin Bieber shumë konfuz dhe në dyshime, në një kohë që dasma pritet të mbahet shumë shpejt.
“Ata të dy kanë pasur beteja emocionale dhe të lidhura me të kaluarën”, thotë një burim për “E! News”, duke shtuar se Justin “ndihet keq” për ish-in e tij.
“Justin dhe Selena nuk kanë pasur kontakt gjatë kësaj kohe, por lajmi rreth Selenës e shqetëson atë. Justin gjithashtu ndihet fajtor, ai dëshiron t’i ndihmojë të gjithë, me të vërtetë dëshiron që Selena të jetë e lumtur dhe është tronditëse të dijë se ajo po lufton me këto probleme shëndetësore”.
Ky lajm vjen menjëherë pasi “People” raportoi se Justin nuk e ka harruar Selenën, e cila ishte dashuria e tij e parë.
Javën e kaluar, Bieber u fotografua shumë i trishtuar, duke lënë kishën dhe të nesërmen ai u pa duke qarë në makinë me Hailey Baldwin.
“Ai mund të ketë bërë ose jo një gabim me martesën, por ishte jashtëzakonisht i mërzitur për atë që ka ndodhur me Selenën. Ai ndjehet sikur ajo është pjesë e jetës së tij dhe dëshiron që të jetë e lumtur dhe e shëndetshme”.
