Sportistët shqiptarë përballen, jo vetëm me kushte shumë të vështira të infrastrukturës për stërvitjen, por edhe me mungesë fondesh për të blerë veshjet përfaqësuese.
Rasti më konkret është ai i kampiones së atletikës, Luiza Gega, e cila u nis dje drejt Birmingemit, për të marrë pjesë në Kampionatin Botëror të sallave të mbyllura.
Nëpërmjet disa postimeve në rrjetet sociale, Gega tregon se si është e vetme nga institucionet përkatëse dhe është detyruar të blejë vetë qoftë edhe uniformën për të garuar.
“Për të katërtën herë që përfaqësoj Shqipërinë në Kampionatin Botëror të sallave të mbyllura. Sigurisht sepse jam e vetmja që kap standardin e vendosur nga IAAF, jo se më duan më shumë dhe prandaj shkoj. Kjo do të jetë uniforma ime në Birmingam që mua në fakt më pëlqen shumë por sigurisht që e bleva vetë. Dhe këto vijat e kuqe i ngjyrosa vetë dhe këtë flamurin e bukur shkova e stampova sot.
Dhe pse shteti është shumë i varfër unë s’jam, por shkoj i blej, i vendos një “Albania” të bukur dhe nuk ndihem fare ndryshe në krahasim me shtetet e tjera sepse nuk jam ndryshe, ndryshe janë këto tipat që ju kemi lënë drejtimin”, shkruan ajo.
Deklarata e saj tërhoqi vëmendjen e mediave, të cilave Luiza u dha edhe një sqarim:
