Skena e Basel-it u ndez sërish mbrëmjen e së enjtes, ku spektakli i dytë gjysmëfinal i Eurovision Song Contest 2025 solli një natë të mbushur me emocione, performanca elektrizuese dhe zëra që preknin thellë. 16 shtete u përballën në një garë që për disa do të ishte stacioni i fundit, por për 10 të tjerë – bileta e artë drejt finales së madhe.
Pas votimit të publikut dhe vlerësimit të jurisë profesionale, këto janë shtetet që siguruan vendin në finale:
Lituania, Izraeli, Armenia, Danimarka, Austria, Luksemburgu, Finlanda, Letonia, Malta dhe Greqia.
Me këta 10 emra të rinj në listë, bashkë me 10 finalistët e natës së parë dhe pesë shtetet e mëdha (Big Five: Franca, Gjermania, Italia, Spanja dhe Mbretëria e Bashkuar), si dhe nikoqirin Zvicrën – gara finalizon tashmë me 26 shtete në betejë për trofeun e artë.
E shtuna e 17 majit premton të jetë një natë që do të shkruajë histori për një tjetër emër në panoramën europiane të muzikës. Shfaqja finale është më pranë se kurrë, dhe emocionet – vetëm sa po nisin.
