“Shtëpi e ëmbla shtëpi”! Nëse ka diçka së cilës i japim shumë rëndësi, veç paraqitjes së jashtme, është shtëpia, vendi ku nuk mund të krahasohet me asgjë në botë.
Është vendi ku kalojmë momentet më intime, më të bukura dhe është aty për ne, për të na mbushur me energji të reja. Ndaj jemi gjithmonë në kërkim të unikes për ta bërë atë më të veçantën dhe shkëlqyesen në botë.
Ndërsa u mbajt Java e Dizajnit në Milano, nuk mund të mungonte “Atelier Swarovski”, kushtuar vetëm shtëpisë dhe markës që garanton këtë shkëlqim. Një vend specifik “Swarovski Palazzo”, në pallatin neoklasik milanez Palazzo Serbelloni, ishte dizajnuar i gjithi me objekte të krijuara në mënyrë avantgarde me kristalet e njohura të markës ndërkombëtare.
Brenda ndërtesës u krijua edhe një dyqan, ku vizitorët mund të blinin koleksionet e tyre për dekorimin e shtëpisë dhe të bizhuterive.
Duke përkrahur dizajnin inovativ, “Atelier Swarovski” prezantoi objektet dekoruese dhe aksesorët e shtëpisë, të gjitha me fokus te kombinimi i kristalit me materialet e tjera.
Një nga drejtueset e markës austriake, Nadja Swarovski, tha: “Ky event shënon vitin tonë të dytë të paraqitjes së dizajnëve nga “Atelier Swarovski Home” dhe rastësisht 10-vjetorin e bizhuterive “Atelier Swarovski”. Elementët që prezantohen këtu në Milano paraqesin në mënyrë perfekte qëllimin e përbashkët të “Atelier Swarovski” për të festuar bashkëpunimin, kreativitetin dhe inovacionin e kristaleve, që janë në qendër të markës sonë”.
Brenda ambientit ku u mbajt ekspozita, dizajnuesit ikonë kishin realizuar objekte të ndryshme, si mbajtëse qirinjsh, vazo, tabaka apo aksesorë prej lisi. Të gjitha këto mbajnë firmat e krijuesve.
Krah koleksionit për shtëpinë, qëndron dhe ai për bizhuteritë, të cilat u panë për herë të parë të veshur nga personazhet e famshëm gjatë ceremonisë së çmimeve “Oscar”, në shkurt.
Të krijuara me dorë në Paris, koleksioni përfshin aksesorë të dizajnuar me diamante dhe kristale, ndërsa reflekton trashëgiminë 120-vjeçare të “Swarovski”-t për zejtari, inovacion dhe përkushtim. Ai është krijuar ekskluzivisht për tapetin e kuq.
Por ne që jetojmë në Shqipëri, “Swarovski” ka dy dyqanet e tij zyrtare në Tiranë, në Qendrën Metropol në rrugën “Sami Frashëri” dhe në qendrën tregtare TEG. Në to do të gjeni objektet dekoruese për shtëpinë tuaj, bashkë me aksesorët shkëlqyes për paraqitjen tuaj. Jeni të ftuar të bëni në çdo moment një vizitë për të eksploruar botën e kristaleve “Swarovski”.
