Arbana Osmani solli në jetë djain e saj të dytë në muajin tetor. Ajo dhe Eduart Grishaj vendosën që vogëlushin e tyre ta pagëzonin me emrin, Diell. Gjatë kësaj kohe moderatorja i është përkushtuar totalisht rritjes së djalit dhe është ndarë prej tij vetëm kur i është dashur të merret me punë.
Pavarësisht se ka kaluar 1 muaj nga lindja e djalit, Arbana duket se nuk ka vënë re ende asnjë ndryshim në trupin e saj. ajo ka terguar se vazhdon ende të ketë të njëjtin neps si më parë dhe ju ka kërkuar ndjekësve që ta ndihmojnë me këtë problem. Ajo ka postar fotot e disa biskotave në Instagram dhe ka treguar se nuk po ndalet së ngrëni.
“A ka ndonjë prej jush që bën magji dhe të heq nga nepsi këto?”, ka shrkuar Osmani.
Më pas ajo ka treguar se vogëlushin e saj e ushqen me qumësht gjiri, por as kjo nuk e ka ndihmuar të bjerë nga pesha. Arbana ka publikuar një meme në story për të treguar gjendjen e saj aktuale.
“Ushqyerja me gji do të ndihmojë të humbasësh peshë, thanë. Kilet e tepërta do largohen menjëherë, thanë”, shkruhet në memen ku një vajzë shfaqet duke ngrënë një tortë të madhe.
Kujtojmë se Osmani është nënë edhe e një djali tjetër, të quajtur Jon.
