Miriam Cani dhe Alban Skënderaj dhanë dje lajmin e mrekullueshëm se do të bëhen prindër për herë të dytë gjatë koncertit “Hapësira e një ëndrre” në Prishtinë.
Brohorimat e publikut nuk përmbaheshin kur Alban Skënderaj iu afrua Miriam Canit dhe preku barkun e saj duke lënë të kuptohej se çifti po presin fëmijën e dytë që do t’i bashkohet Amelisë 3 vjeçe.
Në sallë, ishin plot 3 mijë njerëz.
Kështu zbuloi sot Miriam Cani, e cila publikoi në Instagram një postim ku shpreh emocionet pas koncertit i cili për të, tejkaloi çdo imagjinatë.
“3000 zemra që kënduan çdo fjalë e çdo tingull një zëri!
Gjithmonë e kam ditur që Prishtina dhe mbarë Kosova Albanin e ka shumë përzemër, por ajo që përjetova mbrëme tejkaloi çdo imagjinatë timen.
Ky koncert ishte vërtetë një ËNDËRR!
Thellësisht mirënjohëse!”
E në fakt, është hera e parë që Alban Skënderaj realizon një koncert kaq të madh në kryeqytetin e Kosovës.
“Hapësira e një ëndrre”, është mbajtur në Tiranë tek Pallati i Kongreseve vitin e kaluar, duke korrur një sukses të madh.
