Eliona Pitarka është në pritje të ëmbël dhe Gala e vogël së shpejti do të bëhet me një motër. Moderatorja së fundmi ka organizuar një festë të bukur ku ndau me familjarët dhe miqtë e saj të zemrës gjininë e fëmijës së saj të dytë.
“Zoti na e dyfishoi lumturinë, duke e realizuar ëndrrën tonë për së dyti. Motra e vogël e Galës po të presim me padurim! Ende nuk na besohet”, -shkroi aktorja krahas imazheve, në të cilat shfaqet shumë entuziaste me bashkëshortin.
View this post on Instagram
Kujtojmë që në fillim të nëntorit ishte vetë Eliona sërish e cila ndau me ndjekësit e saj lajmin se ishte në pritje të ëmbël.
Ajo ndau disa foto të bukura më familjen e saj të vogël, ku dukej me barkun e rrumbullakosur.
“Opsss, ndodhi sërish!”-shkroi moderatorja krahas imazheve.
Eliona Pitarka është gjatë gjithë kohës në komunikim me fansat e saj nëpërmjet rrjeteve sociale. Në një bisedë virtuale që ka bërë më herët, ajo zbuloi disa detaje nga jeta e saj.
E pyetur se nëse po mendonte për fëmijën e dytë, Eliona asokohe u përgjigj se do vinte kur ta kishte shkruar Zoti.
“Sa shumë po më pyesin, kur ta ketë shkruar Zoti do vijë…. ne po e presim”- u shpreh ajo.
