“Video Music Awards” është një nga eventet më të rëndësishme në muzikën botërore. Mbrëmjen e djeshme në skenë janë ngjitur emrat të njohur të muzikës moderne, duke dhënë kështu performanca që do të mbahen mend gjatë. 5 prej tyre janë konsideruar si shfaqjet më të mëdha të mbrëmjes:
Kendrick Lamar është konsideruar mbreti i kësaj mbrëmjeje pasi fitoi 6 çmime, mes tyre më të rëndësishmin. “Humble”, hiti i tij, mori trofeun si “Videoja më e mirë e vitit”. Reperi ka performuar dy nga këngët e tij më të suksesshme: “DNA” dhe “Humble”. E gjithë skena ka shpërthyer në flakë shoqëruar nga efekte vizuale magjepsëse. Gjatë performancës, sfondi metalik pas tij u ndriçua me zjarr dhe një moment, një nga kërcimtarët po mbante në dorë një shpatë, e cila u përfshi nga flakët.
Pink ka marrë çmimin “Michael Jackson Video Vanguard” dhe ka performuar në skenë një kolazh të hiteve të saj në vite, si “Get This Party Started”, “Just Give Me a Reason”, duke e përmbyllur me projektin e publikuar së fundmi “What About Us”.
Katy Perry dhe Nicki Minaj kanë qenë dy nga këngëtaret që kanë pushtuar mbrëmjen. Fillimisht Perry u shfaq me një top basketbolli në duar, e ngjitur mbi kosh duke performuar kështu hitin e saj “Swish Swish”, derisa papritur, në një moment, ka dalë Nicki Minaj. Efektet vizuale ishin të jashtëzakonshme.
DNCE dhe Rod Stewart rikthyen këngën hit të vitit 1978, “Do Ya Think I’m Sexy”. E gjithë performanca ishte argëtuese dhe veshjet e këngëtarëve ishin të veçanta.
Logic, Alessia Cara dhe Khalid dhanë një mesazh të fortë kundër vetëvrasjes përmes këngës “1-800-273-8255”, e cila e ka marrë titullin nga një numër emergjence. Gjithçka u bë akoma më kuptimplotë kur bashkë me këngëtarët në skenë u ngjitën edhe persona që i kishin mbijetuar një momenti të tillë dhe u solidarizuan duke veshur bluza të stampuara me numrin “1-800-273-8255”.
Nuk mund t’i mungojë listës këngëtarja me origjinë shqiptare, Bebe Rexha.
Lorde ia doli shumë mirë me performancën e saj edhe pse ishte e sëmurë me grip.Pavarësisht se nuk këndoi, ajo u ngjit në skenë duke kërcyer.
