Në 17 dhjetor të vitit të kaluar, Paige Smith tentoi të hidhej nga një urë në veri të Londrës.
“Nuk më kujtohet shumë, vetëm se po qëndroja mbi urë, duke parë poshtë në autostradë dhe e kisha vendosur se do të hidhesha, por dy officer policie arritën të më shpëtojnë.” – u shpreh ajo për “The Guardian”.
Pas tre vitesh lidhje, 24-vjeçarja dhe i fejuari i saj shqiptar Fatjon Ballmi, 23 vjeç, kishin aplikuar për vizën britanike, por fatkeqësisht përgjigja ishte negative. Smith nuk përmbushte dot të ardhurat prej 18,600 paund në vit për të sjellë partnerin e saj në Britani, kusht i vendosur nga Theresa May në 2012.
“Nuk menduam kurrë se do të ishte përgjigje negative. Kam qënë larg të dashurit tim për më shumë se 11 javë dhe tentova edhe vetëvrasjen. Më morën dhe më dërguan në spital menjëherë. Pas 24 orësh nën mjekim, më lanë të shkoj.” – tregoi Smith.
Çifti vendosi të apelonte vendimin e vizës dhe iu deshën dy muaj të tjerë për të pritur ditën e caktimit të Gjyqit.
“Të gjithë thonë se ti je qytetare britanike dhe nuk ka problem, kur në fakt ka shumë problem. Ende sot e kësaj dite, nuk kam takuar një anglez që është martuar me një shqiptar/e dhe të mos ketë patur probleme me vizën. Mendoj se disa shtete janë të diskriminuara kur bëhet fjalë për të marrë vizën.” – përfundoi Smith.
Burimi: The Guardian
