Një ngjarje e rëndë ka ndodhur në Korfuz ku një shqiptar ka vrarë vajzën e tij 28-vjeçare dhe më pas ka fshehur trupin e saj në kopshtin e shtëpisë.
Vajza ishte shpallur dje e humbur ndërsa në darkë, nga presioni i policisë, babai i saj ka pranuar se e vrau të bijën sepse ajo kishte një lidhje intime me një shtetas afgan.
Ka qënë ky i fundit qe ka denoncuar në polici pasi ajo nuk ishte paraqitur në punë.
Ngjarja ka ndodhur në fshatin Alepu në Korfuz, ku Angjeliki Pjetri, pas goditjeve të forta në kokë me armë të ftohtë, ka humbur jetën.
Raportohet se babai i viktimës ka treguar policisë se ku e kishte fshehur trupin e vajzës së tij.
Angjeliki Pjetri kishte lidhje prej kohësh me një shtetas afgan. Kjo gjë i shkaktonte asaj debate të ashpra me të atin pasi ai ishte kundër kësaj lidhjeje edhe pse vajza nuk jetonte me të atin.
Policia ka arrestuar vrasësin, sakaq pritet të bëhet edhe autopsia e trupit të viktimës.
Burimi: gazetareforma.com
