Shqiptarët paguajnë më shumë se çdo vend tjetër i rajonit për produkte ushqimore.
Sipas EUROSTAT çmimet e ushqimeve vlerësohen sa 81% e mesatares së Bashkimit Europian.
Të dhënat tregojnë se produktet më të shtrenjta që blejnë shqiptarët janë qumështi, djathi dhe vezët, që janë pothuajse sa mesatarja e Bashkimit Europian 97.9%.
Po ashtu edhe mishi dhe peshku rezulton një ushqim i shtrenjtë në krahasim me mesataren e Bashkimit Europian. Edhe përsa i përket bukës një ndër produktet e pazëvendësueshme për një familje shqiptare, Shqipëria sërish renditet një ndër vendet me çmimet më të larta.
Maqedonia është vendi me çmimet më të lira në rajon e ndjekur nga Bosnje Hercegovina Mali i Zi, Bosnje Hercegovina dhe Serbia.
Kjo bie ndesh nëse flasim për të ardhurat e shqiptarëve, ku një familje shpenzon 44% të të ardhurave vetëm për sigurimin e ushqimeve. Ndonëse ne shpenzojmë më shumë për ushqime në rajon, të ardhurat për frymë të Kosovës dhe Shqipërisë janë më të ulëtat, duke arritur në nivelin e përkatësisht 3,700 dhe 4,800 eurove për frymë. Më i pasuri është Mali i Zi (7,500 euro për frymë), Serbia (6,600 euro), Maqedonia e Veriut (5,200), Bosnja (4,900 euro).
Kjo situatë lidhet drejtpërdrejt me faktin pse Shqipëria ka popullsinë më të pakënaqur në rajon me mënyrën sesi po ecin gjërat në ekonominë e tyre (lexo këtu).
Anketa e Këshillit të Kooperimit Rajonal, nxirrte dje një përqindje të lartë të tyre që kanë të vështirë të paguajnë faturat mujore të dritave dhe ujit, pagesën e qirasë, sigurimin e ushqimeve të nevojshme, ngrohjen e shtëpive dhe kalimin e pushimeve një javë jashtë vendit (lexo këtu).
