Për shumë lënda e matematikës në shkollë ka qenë më e urryera për nga shkalla e vështirësisë që ka.
Mirëpo për shumë të tjerë të zgjidhësh probleme dhe ushtrime matematikore mund të jetë gjëja më e lehtë në botë.
E shembulli konkret për këtë është Drian Beqa. Vogëlushi në fjalë është konsideruar një gjeni i vogël. Ai jeton në Berlin të Gjermanisë, ndonëse rrënjët e tij janë shqiptare.
Në Berlin së fundmi ai ka zënë vendin e parë në Olimpiadën e Matematikës nga gjenerata e tij, ku merrnin pjesë 450 nxënës gjithsej konkurrentë të përzgjedhur në kryeqytetin gjerman.
Fillimisht Driani garoi në shkollën e tij, duke dalë i pari në detyrat e matematikës, pastaj në garat komunale ku konkurrenca ishte shumë e madhe, pasi ka shumë shkolla gjermane në Berlin. Nga të gjitha shkollat, ishin përzgjedhur 450 nxënës më të mirët, për të garuar në matematikë.
Driani ia doli të jetë nxënësi më i mirë në këtë fushë, duke lënë pas vetes 449 nxënës.
Një duartrokitje vërtetë e madhe për vogëlushin shqiptar i cili ndonëse në këtë moshë ia doli të na bëje sado pak krenarë. Madje në një fushë të vështirë siç është matematika.
Beqa rrjedh nga një familje shqiptare, flet bukur shqip dhe e viziton Kosovën shpeshherë.
