Emri i Shqipërisë është lartësuar së fundmi në mes të Beogradit.
Bëhet fjalë për një ndeshje mundje ku është shpallur fitues një sportist me pashaportë shqiptare.
Zelimkhan Abakarov mundësi me origjinë nga Çeçenia por me dokumenta shqiptare, i cili u shpall kampion bote në mundje në kategorinë stil i lirë për peshën 57 Kg.
Abakarov në këtë sfidë ishte përballë kampionit në fuqi, amerikanit Thomas Gilman. Finalja e kësaj ndeshje u mbyll me rezultatin 7-2 për mundësin me pasaportë shqiptare.
Kampionati Botëror i mundjes u zhvillua në Beograd të Serbisë. Kjo është hera e parë në histori që Shqipëria merr medalje ari në sportin e mundjes. Ky rezultat pozitiv për vendin tonë do të bëjë që famuri shqiptar të valvitet edhe njëherë mes Serbisë.
Kujtojmë që një muaj më parë ka qenë Luiza Gega e cila shkroi historinë për sportin shqiptar.
Atletja shqiptare bëri një paraqitje fantastike në finalen e 3000 metrave me pengesa, duke u shpallur Kampione e Europës në aktivitetin që u zhvillua në gusht në Mynih të Gjermanisë.
Sportistja shqiptare ia doli të kalonte finishin e vetme me kohën 9.11.31, që u bë rekordi i ri i Kampionatit Europian, duke thyer me 6 sekonda atë të vendosur në vitin 2010 nga rusja Zaripova.
