Shqipëria ka pranuar 20 nga 150 refugjatët e bllokuar në anije në një port të Sicilisë.
Lajmi është bërë i ditur nga ministri i Jashtëm italian Enzo Moavero Milanes, shkruan “NewsBomb”.
Milanes ka falenderuar Shqipërinë për ndihmën e ofruar.
“Shqipëria është vendi i parë qe na ofron ndihmë. Ndihma vjen nga një vend që është jashtë BE”, ka thënë ministri i Jashtëm italian.
Ndërkohë, kujtojmë që Italia ka paralajmëruar se mund të ndërpresë fondet për Bashkimin Evropian, nëse shtetet e tjera nuk i marrin migrantët që janë bllokuar në një anije që ka ankoruar në një port të Sicilisë.
