Ndonëse anglishtja është gjuha e dytë kryesore që mësohet në shkollat shqiptare, vendi ynë renditet ndër ato vende që e dinë më pak gjuhën angleze në Evropë.
Raporti më i ri i mësimit të gjuhës angleze, kryer nga “EF Education First”, thekson se cilat shtete e kanë mësuar anglishten si gjuhë e dytë, më mirë se të tjerat. Për të tretin vit radhazi, Holanda kryeson listën, ndërsa Shqipëria renditet në vendin e 50.
Maqedonia renditet në grupin e Shqipërisë, ndërsa Kosova nuk figuron në listë.
Vendet nordike dominojnë në renditjen e gjuhës angleze: Holanda u rendit e para, pasuar nga Suedia, Norvegjia dhe Danimarka. Zvicra mbetet në grupin e vendeve me aftësi “të larta” në gjuhën angleze, por EF vërejti një rënie të vogël në të gjitha rajonet e gjuhës gjermane.
Ndërkohë, vendet e mëdha, si Spanja dhe Italia, janë renditur edhe më poshtë, 35, përkatësisht 36. Arabia Saudite, Kirgistani dhe Libia zunë pjesën e poshtme të renditjes.
/Monitor
