Temperaturat e larta kanë përfshirë ditët e fundit vendin tonë. Sinoptikania, Lajda Porja ka thënë se për të paktën 10 ditë në vendin tonë nuk do të ketë reshje shiu. Një tjetër lajm pozitiv është se intesiteti i erës që ka favorizuar edhe përhapjen e flakëve në vendin tonë, duke nisur nga dita e sotme do të ulet. E ftuar në “News 24”, Porja tha se në vendin tonë do të ketë vetëm disa reshje të izoluara, ndërsa fundjava do të jetë me mot të qëndrueshëm dhe të kthjellët.
“Reshjet e shiut nuk do të kenë intensitet. Ka pasur vetëm pika shiu dhe reshja ka pasur vetëm në zonën lindore. Përmirësime ka patur me intensitetin e erës. Reshje në territor nuk ka pasur dhe nuk i parashikohet të ketë. Vetëm disa reshje të izoluara. Era është kryesisht e lehtë dhe mesatare. Presim lajme të mira pasi fundjava parashikon dobësim të erës. Fundjava do tën jetë e qëndrueshme dhe me mot të kthjellët pa reshje”- u shpreh sinoptikania.
Gjithashtu sinoptikania ka thënë se në javët në vazhdim do të kemi një ulje të ndjeshme të temperaturave, ku maksimalja nuk do t’i kalojë 36 gradë Celsius. Ndërsa për vranësirat që janë parë ditët e fundit në vend, Porja tha se janë vranësira nga tymi i Saharasë.
“Kemi pasur një rënie të ndjeshme të temperaturave ku nga sot e në vijim termometri nuk do t’i kalojë 33 gardë maksimumi. Në fundjavë pritet edhe një rritje e lehtë nga 33-36 gradë. Vranësirat që janë parë në vend kanë qenë vranësira nga tymi i Saharasë i bashkuar me tymin e zjarreve. Nuk janë vranësira që shkaktojnë reshje”- u shpreh ajo.
Ndërkohë situata do të vazhdoj me temperetura të larat në Greqi dhe Turqi të cilat për të paktën edhe 10 ditë do të mbeten nën ndikimin e valës afrikane, prej të cilësh Shqipëria ka mbetur jashtë.
“Greqia dhe Turqia do të mbetet në valën e të nxehtiti afrikan edhe për 10 ditë të ardhshme. Shqipëria ka mbetur jashtë kësaj vale ku gjatë javës në ndonjë zonë të izoluar termometri mund të kapë vlerën 40 gradë celcius”- shtoi ajo.
/gazeta.reforma
