Mendojmë se nuk ka moment më të ëmbël sesa kur je zgjuar dhe në krahun tjetër të krevatit sheh njeriun e zemrës teksa fle pranë teje. Por i gjithë ky moment i ëmbël prishet nga gërhitja!
Shumë prej nesh mund të mendojnë se nuk është gjë për t’u shqetësuar, por për të tjerët është mjaftueshëm për të “vënë alarmin”.
Modelja e njohur shqiptare Emina Çunmulaj është nga ata persona të cilëve u ka rënë për pjesë të ndajnë shtratin me dikë që gërhet (jo pak) në gjumë dhe çfarë bën ajo kur i del gjumi e dëgjon bashkëshortin? I bën video dhe e poston në “Instagram”.
Emina ka postuar në “Instastory” një video ku shfaqet në krevat bashkë me bashkëshortin e saj, Sam Nazarian, i cili po fle, por njëkohësisht po gërhet. “Nuk është Ella ime (vajza), por është vogëlushi tjetër!”, shkruan ajo me shaka.
