Ditë pas dite zbulohen raste të personave të infektuar me koronavirus në institicionet arsimore të vendit. Situata është mjaft serioze, ndërkohë që vetëm ditën e sotme në Gjirokastër e Vlorë janë konfirmuar disa raste pozitive në gjimnaz e universitet.
Një nxënëse e vitit të tretë nga gjimnazi “Siri Shapllo” në Gjirokastër pas kryerjes së testit ka rezultuar pozitive me koronavirus. Abcnews.al raporton se nxënësja ka shfaqur simpotoma të Covid-19 dhe kjo i ka shtyrë mjekët që t’i marrin tamponin. Pas rezultateve, është vendosur të testohen 20 nxënës të tjerë dhe 7 mësues, pasi ekziston mundësia që edhe ndonjëri prej tyre të jetë infektuar.
Nga ana tjetër edhe në Universitetin Ismail Qemali në Vlorë janë prekur nga koronavirusi 3 persona, e për këtë arsye është mbyllur kati i parë dhe i dytë në godinën e rektoratt. Është mësuar se edhe 10 persona të tjerë, që kanë qenë në kontakt me të infektuarit janë karantinuar, pasi po presin përgjigjen e tamponave. Edhe departamaneti i biologjisë në të njëjtin universitet është mbyllur, ndërkohë që pritet të dezinefktohet e gjithë godina.
Mësues të infektuar nga veriu në jug të vendit
Në të njëjtën kohë, thuajse në të gjithë vendin ka mësues të prekur me Covid-19. Çdo ditë e më shumë zgjerohet harta me arsimtarë të infektuar, raste të cilat kanë qenë mjaft shqetësuese si për kolegët e tyre e po ashtu edhe për nxënësit.
Në përfundim të javës së parë nga hapja e shkollave, u zbulua se 4 mëuses nga shkolla 9-vjeçare “Shefqet Tançi” në Bulqizë, kishin rezultuar pozitiv me koronavirus. Të enjten 9 raste të reja me Covid-19 u konfirmuan në Elbasan, ku mes të infektuarve ishte një mësues në shkollën “Qemal Haxhiasani”.
Ndërkohë, në qytetin e Gramshit, ka shkuar në 4 numri i stafit pedagogjik të infektuar me koronavirus.
Edhe në Delvinë janë regjistruar raste me koronavirus në kopshte dhe çerdhe, ku të të infektuarit janë edukatore, sanitare dhe mësues.
Iconstyle.al raportoi para pak ditësh se mësuesit në Kavajë, të cilët prisnin rezultatin e tamponit, kishin shkuar në shkollë të hënën, më 14 shtator, ndërkohë që një ditë më pas, 4 prej tyre kishin rezultuar pozitivë me Covid.
Drejtoria Rajonale e Arsimit Parauniversitar, në Lezhë, numëron 15 mësues në sistem, por jashtë shkollave. Stafi nuk e ka nisur ende punën, pasi ata ose familjarë të tyre janë të infektuar me koronavirus.
V etëm nga java e parë e shkollave pati kaq shumë raste pozitive, ndërkohë që ende nuk janë marrë përgjigjet e pjesës më të madhe të atyre që kanë qenë në kontakt me nxënësit apo mësuesit e infektuar. Kjo do të thotë se pas disa ditësh numrat do të shtohen, duke vënë në rrezik jetën e akoma më shumë nxënësve e mësueseve. Autoritetet nuk kanë reaguar ende në lidhje me këto shifra, ndaj pritet të shohim nëse do të merret ndonjë masë për të parandaluar ndonjë skenar të rrezikshëm.
