Pas ardhjes në jetë të vogëlushes Stormi, 22-vjeçarja Kylie Jenner dhe reperi Travis Scott vendosën të merrnin një pauzë në marrëdhënien e tyre dhe vazhduan të ruanin kontaktet për shkak të vajzës.
Travis e takonte thuajse çdo ditë të voglën e tij, ndaj këto takime të shpeshta mund të kenë ndikuar në rregullimin e marrëdhënies së reperit me Kylie-n.
Të gjitha shenjat tregojnë se dyshja është drejt bashkimit dhe këtë ka treguar edhe vetë Travis në një rrëfim për “Us Weekly”.
Reperi ka lënë të kuptohet se janë në rrugë të mirë dhe me shumë gjasa do të kthehen si më parë.
Travis mendon se ka shanse për të fituar sërish zemrën e mamasë së vajzës së tij dhe ne jemi të bindur se do ta bëjë!
Pavarësisht ndarjes, ai është gjithmonë pranë Kylie-t dhe e mbështet në gjithçka.
Së fundmi, 22-vjeçarja u vendos përballë akuzave për mashtrim, pasi pretendohej se kishte falsifikuar statusin e miliarderes.
Megjithatë, Kylie reagoi menjëherë duke u shprehur se as nuk e ka kërkuar ndonjëherë statusin e miliarderes, as nuk ka gënjyer. (Lexo këtu)
Tashmë, Kylie po përjeton periudhën e saj më të vështirë nga ana profesionale, pasi jo vetëm që humbi statusin e miliarderes por edhe po përballet me largimin e stafit të “Kylie Cosmetics”.
